Бүгін, "Таза Қазақстан" акциясы, "Мамыр-Ынтымақ айы" айлығы шеңберінде, балаларды әлеуметтік, қоғамдық тәрбиеге баулу, бірлікке, ынтымақтастыққа тәрбиелеу, туған жерді қастерлейтін еңбекқор, жасампаз тұлға қалыптастыру мақсатында, ата-аналарды педагогикалық қолдау орталығының тәлімгерлері А. Азбергенова мен А. Касымованың ұйымдастыруымен "Жасыл мекен" жоспары аясында мектебіміздің Әкелер клубы мүшелері балаларымен бірге мектеп алаңына жасыл шырша көшеттерін отырғызды.

Дана халқымыз «Бірлік бар жерде,тірлік бар», -деуі бекерден емес. Біздің елімізде қалыптасқан ұлттар тұтастығы мен халықтар достығының арқасында бүгінде мемлекетіміз өркендеп, ілгері басып келеді. Мемлекетіміздің басты жетістігі ұлтаралық келісім, өзара түсіністік пен сыйластық болып табылады. Қазақстанның көпұлтты халықтары арасындағы бірлік пен ытымақтастығы нығая берсін! Береке-бірлігіміз арта берсін! Отбасыларыңыз аман, дендеріңіз сау болсын! Саумалкөл қазақ орта мектебінің директоры - М. О. Олжабаева

 "Үш жүзге аты мәлім-Ақан сері" тақырыбындағы жоба Ақан сері өлеңдері мен әндерін кеңінен насихаттау, сал-серілік өнерді таныту, ұлттық спорт ойындарын дамыту, тарихқа тағзым жасау мақсатында ұйымдастырылды. Ұлттық туризм саласын дамытуға, демалыстарды көңілді өткізуге жоспарланған жоба өте құнды. Оқушымыз Төлеу Аяжанға әрдайым жетістіктер тілеп, жетекшісі МДТІЖО Е. Алгожинге алғыс айтамыз.

 Қуаныш Теміржанұлы колледждегі мамандықтар, жатақхана, оқуға түсудегі мүмкіндіктерді түсіндіріп, көптеген ақпараттар берді. Оқушылар берілген ақпаратты мұқият тыңдап, керек сұрақтарын қойып, жауаптарын алды.

 Іс-шараның облыстық кезеңінде мектебіміздің 11 сынып оқушысы Әлібек Аружан Ілияс Жансүгіров өлеңіне композициялық, құрылымдық, мазмұндық талдау жасап, "Сұлу сөздің сүлейі" номинациясы бойынша жүлделі 2-орын иеленді. Аружанға биік белестерді бағындырар жігер тілейміз.