Бүгін, "Республика күні" мерекесіне орай, аудандық мәдениет үйінде мерекелік іс-шара болып өтті. Аудан әкімі Е. М. Бекшенов аудан жұртшылығын мерекемен құттықтап, ықыласын білдірді. Аталған іс-шарада білім беру және тәрбие бағдарламаларын іске асырудағы елеулі табыстары үшін мектебіміздің директоры, Олжабаева Меңдігүл Олжабайқызы Қазақстан Республикасы оқу-ағарту министрлігінің "ОРТА БІЛІМ БЕРУ ҮЗДІГІ" Құрмет дипломымен марапатталды. Мектеп ұжымы білікті басшы Меңдігүл Олжабайқызын марапатымен құттықтап, биік белестер мен алар асуларыңыз көп болсын демекпіз.

Бүгін, кітапхана қызметкерлері күні мерекесіне орай кітапханашыларды төл мерекелерімен құттықтаймыз. Болашағымызды кітап оқуға, білім алуға шақырып,кітап оқуды насихаттап жүрген қызметкерлерге жақсы оқырмандар мен жетістіктер тілейміз. Ұлт даналығы:"Кітап- алтын қазына" дейді, мектебіміздің кітапхана қызметкері Айсұлу Шакарманқызын төл мерекесімен құттықтап, толағай табыстар тілейміз.

МЕКТЕП ПАРЛАМЕНТІНІҢ САЙЛАУЫ ҚОРЫТЫНДЫЛАНДЫ 21. 10. 2023 ж. Айыртау ауданы, Саумалкөл қазақ орта мектебінде Мектеп Парламентінің Президентінің сайлауы болып өтті. Сайлау ережесіне сәйкес ұсынылған 7 үміткер өз бағдарламаларын 7-11 сынып оқушылары арасында таныстырып, үгіт-насихат жұмыстарын жүргізді. Үміткерлер арасынан басым дауыс жинаған: 10 сынып оқушысы Ажыханов Алимхан Азаматович Мектеп Парламентінің Президенті болып сайланды. Президент болу үлкен жауапкершілік, осы жауапкершілікті абыроймен алып шығып

21қазан күні Саумалкөл қазақ орта мектебінде «Мектеп Парламенті» білім алушылардың өзін-өзі басқару ұйымының тұжырымдамасы ережесіне сәйкес мектеп Президентін сайлауы өтті. Сайлауда мектебіміздің ұстаздары мен 7-11сынып оқушылары өз дауыстарын қалаған үміткерлеріне берді.

Саумалкөл қазақ орта мектебінде 2-3 сынып оқушыларымен "Қауіпті ойындар" тақырыбында түсіндірме жұмыстары жүргізілді. Жұмыс барысында оқушылар ғаламтордың зияны мен пайдасын айыра біліп, өз ойларымен бөлісті.

Денсаулық – баға жетпейтін жалғыз ғана асыл дүние. Адамның денсаулығы – қоғам байлығы. "Мен мықты болсам-Қазақстан да мықты" психологиялық денсаулық апталығы аясында Саумалкөл қазақ орта мектебінде «Белсенді өмір – жүз жастық ғұмыр» атты спорттық іс-шара өткізілді. Іс-шараның мақсаты: адам денсаулығының қымбаттылығын, басты байлық екенін оқушыларға ұғындыру.

Саумалкөл қазақ орта мектебінде орта буын оқушыларымен "Өзіңді танып білу" тренинг ері ұйымдастырылды. Тренинг мақсаты: қарым-қатынастың белсенді стилін орнату, әрі қарай ашық сөйлеуге үйрету, өзіндік «Мен тұжырымдамасын» айқындау, өзін-өзі тану, өзінің және өзгелердің психологиялық ерекшеліктерін анықтау және оқушылар арасында жылы қарым-қатынас орнату. Адам өмір жолының маңызды құрамдасы ретіндегі өзін - өзі тану туралы түсініктерін кеңейту. Әр адамның қайталанбас тұлға екендігін есте тұта отырып, өзін - өзі түсіну, өзін - өзі бағалай білу және өзін - өзі тәрбиелеу.

Саумалкөл қазақ орта мектебінде бастауыш сынып оқушыларымен "Жақсы қасиеттер" тренингі ұйымдастырылды. Тренинг мақсаты: оқушылардың психикалық көңіл-күйлерін көтеру, шығармашылық қабілеттерін бағалай білу, өздеріне құрметпен қарау, дұрыс қарым-қатынас орнату.