Бүгін, мектебімізде өткен ата-аналар жиналысында "Балаларды тәрбиелеу мен дамыту жөніндегі ата-аналарға педагогикалық қолдау бойынша әдістемелік ұсынымдар" ұсынылды. Педагогикалық көмек көрсету орталығының жұмысы түсіндіріліп, жұмыстың басты мақсаты мен міндеті айтылды. <div

Бүгін аудан орталығында "Қарттар күні" мерекесіне орай жәрмеңке ұйымдастырылды. Табиғаттың сыйы, күзгі көкөністер мен жемістерге толы, қарияларымыздың алғысына бөленіп, рахметін алған жәрмеңкеге мектебіміздің ұжымы да ат салысып, үлестерін қосты. Халық даналығы:"Қарты бардың қазынасы бар"- дейді. Қарттарымызға көтеріңкі көңіл мен амандық тілейміз.

Бүгін мектебімізде аудан прокурорының орынбасары Жеңіс Берікұлы Зейнуллин, Кәмелет жасқа толмағандар инспекторы, полиция майоры Е. Жунусов және КТІТ ПУИ полиция лейтенанты Ж. Шаймергенов 8-11 сынып оқушыларына тәртіп бұзушылықтың алдын алу, қауіпсіздік жағдайларды ескеру, әлімжеттілікті болдырмау мақсатында дәріс сағатын өткізді. Жиын барысында Ж. Б. Зейнуллин оқушыларға өз міндеттері мен құқықтың жауапкершілігі жайлы, заң шеңберіндегі тәртіптік жазалар туралы толығырақ мәлімет беріп, жаман әдеттерден сақ болуларына шақырды.

Бүгін, оқушылар арасында өрт қауіпсіздігі ережелері, өртке қарсы әрекеттерді білу мақсатында аудандық білім бөлімі мен Айыртау аудандық төтенше жағдайлар бөлімінің бірлескен мектеп оқушылары үшін ZOOM конференциясы болды. 1-11 сынып оқушыларына арналған конференцияда өрт болған жағдайда қолданылатын іс-әрекеттер мен қауіпсіздіктің сақталуы, өрттің алдын алу туралы мағлұмат айтылды.

Бүгін облыс орталығы Петропавл қаласында республикалық "Ақберен" өнер байқауының облыстық кезеңі өтті. Ауданымыздың намысын қорғаған, мектебіміздің 9-сынып оқушысы Қуандық Наргиз "Ақындар мүшәйрасы" номинациясы бойынша жүлделі 3-орынға ие болды. Наргиз оқушымызды құттықтап, әрдайым өнер биігінен көрінуін тілейміз.

Аудандық білім бөлімінің 21. 09. 2023 жылғы №35. 3-2/760 хатының негізінде бүгін мектебімізде антитеррорлық әрекеттерге қарсы оқу-жаттығу жиыны ұйымдастырылды. Қоса берілген алгоритм аясында өткізілген іс-шараға аудандық ІІБ қызметкерлері де атсалысты. Ғимарат ішінде белгісіз бөгде заттың табылуы анықталған жағдайда мектеп мұғалімдері, оқушылары мен мектеп қызметкерлерінің әрекеті алгоритмі негізінде өткізілді. Алгоритм бойынша жоспарланған барлық іс-әрекеттер шынайы түрде жасалды. ІІБ бөліміне жедел хабарлау, оқушылар мен қызметкерлерді оқшауландыру, арнайы жасаққа

Саумалкөл қазақ орта мектебінде 2023 жылдың 21-қыркүйегінде әлеуметтік педагог Ж.З.Такауова 5-11 сынып оқушылары арасында « Көшеде жүру және өзін-өзі ұстау ережелері» тақырыбында әңгіме жұмыстарын жүргізді. Оқушыларға мектеп тәртібін сақтауға, жолда жүру ережесі, қоғамдық жерлерде өзін ұстауы, жол қауіпсіздігі жайлы ақпарат берілді. Жамал Заданқызының өткізген әңгіме сағатына Айыртау аудандық ішкі істер қызметкері Полиция майоры Ержан Жунусов қатысып, тәртіп бұзушылықтың салдары қайда әкеліп соғатынын ескертті.

Қыркүйек айының 22-сі күні мектебімізде кәсіптік бағдар беруші маман Д. С. Сейтенова: "Мамандықтың бәрі жақсы" тақырыбында 4-сынып оқушыларымен ұйымдастыру сабағын өткізді. Динагүл Сейітқалиқызының сабағына кітапханашы А. Ш. Нурбахтинова қатысып, балаларға түрлі мамандықтар және мамандықтың шеберлігі туралы әңгімеледі. Сабақ барысы балалар қиялына қанат бітіріп, мамандық жайлы ойларын ортаға салды.