Қазақстан халқы тілдері күніне арналған іс-шаралар мектебімізде Қазақстан халқы Ассамблеясының 2022-2026 жылдарға арналған даму тұжырымдамасын іске асыру, "Мың бала республикалық мәдени-ағартушылық жобасы аясында "7-11 сыныптар арасында 2023 жылдың 5 қыркүйек күні жалпықазақстандық диктант жазумен басталды.

Мектебіміздің асханасын жалға алған ЖК "Кудашкина" бекітілген асмәзіріне сәйкес оқушыларды ыстық тамақпен қамтамасыз етуде. Мектеп асханасы тоңазытқыш, мұздатқыш, электрожабдық тағы басқа ас әзірлеуге қажетті құралдармен толық жабдықталған. Мектеп асханасы оқу кестесіне сәйкес жұмыс істеуде. Мектеп әкімшілігі оқушылардың толықтай тамақ ішуін қадалағалауда. Асхана ішінде тазалық талапқа сай сақталған, дайындалған тағамдар өз мөлшеріне сәйкес беріліп, дәмді дайындалуда.

Бүгін мектебімізде алғашқы оқу күні арнайы кестеге сай оқу сабақтары жүргізілді және мектеп асханасы толықтай жұмыс істеді. Биылғы оқу жылы 1-4 сынып оқушылары үшін тегін тамақтану ұйымдастырылды. Мектепалды сынып оқушылары мен 5-11 сынып оқушылары арасында әлеуметтік жағдайы төмен отбасы оқушыларының жалпы саны 39 оқушы тегін тамақтану құқығына ие болды.

Бүгін, мектебімізде 1-қыркүйек мерекесіне орай салтанатты жиын болып өтті. Атаулы мерекені мектеп директоры Меңдігүл Олжабайқызы Олжабаева ата-аналар мен ұстаздар ұжымын, оқушыларды құттықтауымен ашты. Мерекелік жиынға аудан әкімінің орынбасары Жанапин Едірес Жазитұлы қатысып, өз тілегін білдірді. Мектеп табалдырығын аттаған бүлдіршіндерге ардақты ақсақал Жұманов Әскер атамыз ақ батасын беріп, өз лебізін білдірді.

Құрметті ұстаздар! Қымбатты оқушылар, ата-аналар және барша Айыртаулықтар ! Сіздерді бүгінгі жарқын да қуанышты, айтулы мереке – Білім күнімен құттықтаймын! 1 қыркүйек барша халықтың дәстүрлі мерекесі! Әрбір адамның өміріне ерекше әсер қалдыратын бұл күн еліміздің барлық тұрғындарының асыға күтетін мерекесі.

Тамыз айының 28-і күні мектебімізде жаңа оқу жылы қарсаңында: "Әділетті Қазақстан: сапалы білім, адал ұрпақ, табысты ұлт" тақырыбында тамыз педагогикалық кеңесі өтті.

Құрметті әріптестер, ата-аналар, оқушылар! Сіздерді бүгінгі Қазақстан Республикасының Конституция күнімен шын жүректен құттықтаймын! Осыдан 28 жыл бұрын 30 тамыз күні бекітілген Қазақстанның Ата заңы аз уақыт ішінде өзінің заман талабына сай екенін дәлелдеп келе жатыр. Бүгінгі еліміздің әлем алдындағы жоғары беделі - бұл біздің елдің тікелей жетістіктерінің нәтижесі деп білеміз. Бұл күн әр қазақ азаматын рухтандырып, Қазақстанды одан әрі дамытуға шабыт беріп, жаңа мүмкіндіктер сыйласын. Отбасыларыңызға береке-бірлік, амандық-саулық және Отанымызға жарық, жақсы болашақ

Петропавл қаласында Әділетті қазақстан: сапалы білім, адал ұрпақ, табысты ұлт тақырыбында өткен облыстық дәстүрлі тамыз кеңесіне әріптесіміз бастауыш сынып мұғалімі Ақзейнеп Нысанбайқызы Байтенова қатысты. Аталған жиында Ақзейнеп Нысанбайқызы білім саласын дамыту жолында қол жеткізген табыстары мен қосқан үлесі үшін Оқу ағарту министрі Ғани Бектайұлы Бейсембаевтың АЛҒЫСЫМЕН марапатталды.