Жазғы демалыс кезеңінде балалардың әр күндерін кітап оқумен өткізуі үшін мектебіміздің кітапханашысы А. Ш. Нурбахтинова "Кітап-біздің досымыз", "Асыл қазына-кітапта" тақырыптарында іс-шаралар ұйымдастыруда. "Оқуға құштар мектеп" жобасы аясында кітап оқуға, көркем әдебиетке ынтық болуға шақырған шараның маңызы зор. Жеткіншек оқырмандарымыз: Ахмиров Ибрагим 3-сынып, Беркінбай Ажар 4-сынып, Төлетай Мансұр 2-сынып, Жақып Айдын 4-сынып қызықты кітаптарын оқу үстінде.

Саумалкөл қазақ орта мектебінің оқушылары "Оқуға құштар мектеп" жобасы аясында сынып жетекшілері және мектеп кітапханашысы Айсұлу Шакарманқызының жетекшілігімен жазғы демалыс күндерінде білімнің бұлағы кітап оқумен өткізуде. Көркем шығармаларды оқыған жеткіншек оқырмандар алған әсерлері мен ойларын өзара бөлісуді де ұмыт қалдырмайды. <a class="x1i10hfl

Бүгін, ауданымыздың көз тартар табиғатымен ерекшеленетін Имантау ауылы, "Қарлығаш" демалыс аймағында "Ұлттық код-рухани болмыс кілті" тақырыбында жас өлкетанушылардың аудандық фестивальі өтті. Аудандық "Білім бөлімі" ұйымдастырған іс-шараға Г. Т. Султангалиева жетекшілігімен 7-сынып оқушылары қатысты. Жас жеткіншектерге туған өлкенің киелі қасиетімен бірге, танымал тұлғаларды тану, қасиетті ескерткіштерді бағалай білуге шақырған іс-шараның мағынасы терең.

Жаз айы-демалыс маусымы, балалар маусымы. Балалар демалысының жақсы ұйымдастырылуы балаларға қуат, күш береді., рухани толығып, ой-өрісі кеңейеді. Жаңа достар кездестіріп, жаңа армандар басталатын шақ. Мектебіміздің үздік оқушылары: Абаева Айзере 6-сынып, Жұмабай Іңкәр 7-сынып, Бекентаева Ділназ 8-сынып қазіргі уақытта табиғаты әсем Бурабай маңында орналасқан "Эдельвейс-БОРОВОЕ"сауықтыру лагерьінде қызыққа толы демалыс күндерін өткізуде. Демалыстарың көңілді болып, балалық шақтың бақытына бөлене беріңдер.

Аудандық білім бөлімінің жалпы біліммен қамту қоры есебінен мектебіміздің 12 оқушысы жазғы демалыстарын "Чайка" балалар сауықтыру лагерінде өткізді. Шалқар көлінің жағасында демалып, қызықты күндерін өткізген оқушыларымыз керемет әсерге бөленді.

АТА-АНАЛАРҒА АРНАЛҒАН ЖАДЫНАМА «Қауіпсіз каникул – 2023» «Баламен бірге жазғы демалыста» Жаз - жылдың керемет мезгілі. Отбасылық демалыс – бұл өз балаңызға ең көп уақыт бөлетін кезіңіз. Бұл көптен күткен ерекше оқиғаны Сіздің балаңыз жыл бойы аңсап келді.

Бүгін мектебімізде 11 жыл білім алған оқушыларға "жалпы орта білім туралы аттестат" табыстау салтанаты өтті. Салтанатты жиынға жиылған ата-аналар мен оқушыларды мектеп директоры Меңдігүл Олжабайқызы Олжабаева құттықтап, аттестат пен мақтау қағаздарын табыстады. Аттестат алған 13 түлектің 3-уі "Үздік аттестат" иелері. Олар: Аширалиева Аружан, Камашев Данияр, Қажыман Айымжан.

Бүгін, мектебіміздің 11- сынып түлектері соңғы мемлекеттік емтихан тапсырды. Түлектеріміздің таңдау пәндері бойынша тапсырған емтихандары сәтті өтті. Емтихан кестеге сай басталып, уақытылы аяқталды.