2015-2016 оқу жылында 10 сынып оқушысы Баймуканова Асем Астана қаласында өткен «Әлемді өзгертер идеялар» тақырыбындағы республикалық семинарға қатысқан болатын, отырысты ол Елбасының "100 нақты қадамына" шолу жасаумен бастады. Имашев Алмаз біздің Айыртау өңіріне жалпы тоқталып өтсе, Арапов Алтынбек өңіріміздің танымал тұлғаларын өз сөзіне тиек етті. Қонақтар назарына Ақан сері жайлы түсірілген деректі фильм ұсынылып, артынан осы фильмде басты рөлді сомдаған тарих пәнінің мұғалімі Марат Уразгалиевич өз ойымен бөлісті. Тарихымызда Ұлы Отан соғысының алатын орны орасан. Бұл соғыста біздің жерлестеріміз де аянбай қан төгіп, ерлік көрсетті. Осы жайлы тарих пәнінің мұғалімі Дана Елеусизовна толық тоқталса, осы жайлы өз ойын Жангожин Ыбырай өлең жолдарымен өрбітті. Қазіргі таңда туризм саласы дамып жатқандығы баршамызға аян. Біздің ауданымызда да жыл сайын жаңа нысандар салынып, демалушылардың саны жылдан-жылға көбеюде туризм жайлы 9 сынып оқушысы Рымбаева Диана баяндап берді. «Болашақ білімді жастардың қолында» деп Елбасымыз атап айтқандай, біз әрдайым өзгеріске, білімге ұмтылуымыз қажет, білімді, көзі ашық, көкірегі ояу болуға ұмтылу-біздің қанымызда бар қасиет екені даусыз. Осы жайлы өз оймен биылғы жылғы түлегіміз «Алтын белгі» иегері, Назарбаев Университетінің грант иегері Жунусова Дарина бөлісті. Дөңгелек үстел отырысын жүргізіп отырған қазақ тілі мен әдебиеті пәнінің мұғалімі Сая Алкенқызы өзінің "Шоқантану" элективті курсымен таныстырып, осындай курстарда оқушыларға көп мәлімет беруге болатындығын айтып, өз іс-тәжірибесімен бөлісті. Отырыс соңында Әл-Фараби мектеп-лицейінің директоры Күлімкөз Қайырбайқызы өз жүрекжарды лебізін білдіріп, біздің мектебіміздің директоры Меңдігүл Олжабайқызына естелік ретінде кітаптар сиға тартты. Отырыс соңы әдемі концерттік бағдарламаға ұласты. Осы дөңгелек үстел отырысына қатысқан әр қатысушы үлкен әсермен, тамаша көңіл-күймен, ойына қажет көп дүние түйіп қайтты деген ойдамын.