14 наурыз - Көрісу күні, Амал мерекесі.

Бүгін – көрісу күні. Бұл күнді амал мерекесі деп те айтады. Халық қыстан аман-есен шыққанына, көктемге аяқ басып, туыс-туған, көрші-көлеңмен жүздескеніне қуанып, қол алысып, төс қағысады. Бір-біріне деген араздық, өкпе-ренішті ұмытып, амандық тілейді.

"Көрісу күнін Наурыз мейрамының бастауы деп айтуға болады.

Көрісу – жаңа жыл, жаңа өмір, жаңа күн.

Көрісу – татулық, мейірімділік, ізеттілік. Оқушыларға дәстүрімізді насихаттау, ұмыт болып бара жатқан салтымызды жаңғырту мақсатында мектебімізде көрісу күні аталып өтті. Оқушыларға бұл күннің ерекшелігі мен тарихы жөнінде мағлұмат беріліп, көрісу амалдары жасалып, ықылас-тілектер айтылды..