«Ұлыстың ұлы күні-Наурыз мейрамы» мерекесіне орай мектебімізде "Ұлттық тағамдар күні" аталып өтілді. Пейілі кең ұлтымыздың қашанда дастарханы мол, әр қонақтың өз несібесі бар екендігін дархандығымен, қонақжайлылығымен ұғындыратын қазақ ұлтының ұлттық тағамдары дастарханға қойылып,оның тартылу жолы мен жоралғысы айтылды.

Жасы мен жолына қарай тартылатын әр мүшенің өз орнын білген қазақ дана, шешен, ойшыл, балуан болсын деген ниетпен балаларға да өз тартуын тартқан. Сүт өнімдерін "Ақ" деп атаған даналарымыз оның қасиетін жоғары бағалап, одан ірімшік, май, айран, құрт сияқты түрлі тағамдар жасаған. Ұмыт болып бара жатқан тағамдарымыздың атауы мен дайындалу жолы айтылды.