«Өрлеу» «Біліктілікті арттыру ұлттық орталығы» АҚ филиалы «Солтүстік Қазақстан облысы бойынша Кәсіби даму институты» бастамасымен 2023 жылдың желтоқсан айының 06 -08 аралығында «4-сынып оқушыларының үлгерімі мен білім сапасын бақылау», «9-сынып оқушыларының білім сапасын бақылау және бақылау жүйесі» (24 сағат) тақырыбында қашықтан облыстық семинар ұйымдастырылып өткізілді. Семинардың мақсаты: Білім беру ұйымдарында ББЖМ қатысуына дайындық аспектісінде педагогтардың құзыреттілігін дамыту.Ерекшеліктері: 1. ББЖМ туралы жалпы түсінік; 2. Облыс бойынша педагогтардан, білім беру ұйымдарының басшыларынан, ата-анадан, білім алушылардан алынған сауалнамалардың нәтижелері; 3. PISA, PIRLS туралы ББЖМ-мен байланысы, функционалдық сауаттылыққа негізделген тапсырмалар; 4.Соңғы үш жылдағы ББЖМ бойынша салыстыру статистикалары; 5. 4, 9-сыныптардың ББЖМ-ға дайындығы. Семинар теориялық бөліммен басталып, практикамен аяқталып отырды. Теориялық бөлімде статистикалық көп мәлімет берілсе, практикалық бөлімде 4-9 сынып оқушыларын ББЖМ-ға дайындауда педагогтар қалай жұмыс істеп жатқаны туралы іс-тәжірибелерімен бөлісті. Сабақта қолданылып жатқан әдіс-тәсілдерін көрсетті. Біздің мектебімізден бастауыш сынып мұғалімі А.Н.Байтенова және ағылшын тілі мұғалімі Г.Т.Султангалиева қатысып, өз іс-тәжірибелерімен бөлісіп, қатысушы ұстаздарға шеберлік сабақтарын өткізді. Семинар өте пайдалы және қолжетімді болды. Қатысушы ұстаздар өздеріне біршама пайдалы ақпарат ала алды.