Балаларымыздың түрлі сайыстар, байқауларға қатысуға деген қызығушылықтары өте жоғары. Олар интеллектуалды байқауларға да, түрлі өнер байқауларына да қатысып, бақ сынасуға әрқашан дайын. Жыл сайын өткізілетін "Британ бульдогы" байқауына оқушыларымыз қызыға қатысады. Биыл да бірнеше оқушымыз қатысып, жүлделі орындарды иеленді. Солардың ішінде екі оқушымызға "жеңімпазға" деген арнайы сыйлық жіберілді. Олар екінші сынып оқушылары - Серікбай Арғын және Көзтай Айым. Сондай-ақ 6 сынып оқушысы Джаумбатов Нұрсұлтан көктемгі демалыс уақытында 28-29 наурыз күндері математикадан өткен І облыстық "Білім" олимпиадасына қатысып, сертификат иегері атанды.