Аудандық олимпиаданың қорытындысы

Әр баланың жеке қабілетін анықтап, шығармашылық бағытта жан-жақты дамыту,  оны сол бағытта жетелеу-ұстаз парызы, бүгінгі күннің басты талабы.       2019 жылдың 5-6 желтоқсан  күндері Саумалкөл №1 орта мектебі базасында жалпы білім беретін пәндер бойынша республикалық олимпиаданың аудандық кезеңі өтті. Пән олимпиадасы – оқушы білімін саралайтын сынақ. Аудандық пән олимпиадасы оқушылардың білім деңгейлерін анықтаумен шектелмей, олардың оқуға деген мотивациясын ояту, танымдық қабілеттерін арттыру мақсатында өткізілді.

Мектептегі олимпиаданың негізгі мақсаты: 

-оқушының ой-өрісін кеңейту; 

-оқушының пәнге қызығушылығын дамыту; 

-мектепішілік, аудандық олимпиадаларда оқушының өзін

көрсетуге дайындау, оқушымен жеке жұмыс жүргізуді ұйымдастыру. 

. Аудандық пән олимпиадасы қазақ тілі, орыс тілі, ағылшын тілі, тарих, математика, физика, биология, информатика, химия, география пәндері бойынша өткізілді.  Олимпиадаға 9-11 сыныптардан 22 оқушы қатысты. 

      Аудандық пән олимпиадасында әрбір оқушының білім деңгейлері таразыланып, «Жүзден жүйрік, мыңнан тұлпар шығады» дегендей, олимпиада жүлдегерлері анықталды.

      Бірінші турдың нәтижелері бойынша олимпиаданың екінші турына 19 оқушы өтті. Екі турдың қорытындылары бойынша 18 жүлделі орындар  анықталды, оның ішінде 1-ші орынды - 3 оқушы, II-ші орынды - 7 оқушы, III-ші орынды - 8 оқушы иеленді.