"Ш. Смағұлов атындағы Алматы облыстық мамандандырылған дарынды балаларға арналған физика-математика лицей-интернаты" коммуналдық мемлекеттік мекемесінде "Кемел ұрпақ" жобасы аясында "БАСТАУ"математикалық олимпиадасының республикалық кезеңі өтті.

Аталған математикалық додада Солтүстік Қазақстан обылысы құрамында мектебіміздің 2-сынып оқушысы Төлеу Мансұр бағын сынады.

17 облыстан 17 топ және Алматы, Астана, Шымкент қалаларынан жиналған 20 топтың балалары үшін турнирдің ашылу салтанатынан кейін қатысушыларға арнайы тренинг өткізілді. Маусым айының 10-11 күндері өткен 2 тур топтық есептер, 1-тур "Әубаста", 3 тақырып бойынша логикалық есептер, 2-тур "Көкпар" топтық есептер берілсе, маусымның 12-сі күні соңғы тур "Бәйге" өткізілді. Жекелей сындағы турдың 1,2,3 тапсырмалары жазбаша болса, 4, 5 тапсырмалары ауызша түрде қазылар алқасына тапсыратын есептер болды.