Жайнаған жасыл бақ. Мектеп маңын абаттандыру, көгалдандыру мақсатында сәуір айында басталған жұмыстың нәтижесі. Мектебіміздің директоры - М.О. Олжабаеваның бастамасымен мектеп ұстаздары мен жұмысшылары сәуір айында 1000-ға жуық шырайгүл мен көкөністер (орамжапырақ, қияр, қызанақ т.б.) еккен болатын. Бүгінде мектебіміздің маңы жасыл желекке жамылып тұр. Бұл әдемі көрініске жаз, күз айларында куә бола аламыз және де гүлзарлардың маңынан тамсанбай өту мүмкін емес. Әдемі гүл көшеттері мен көкөністер реті еріксіз көз тартады. Балалар игілігі үшін жасалған жасыл бақ балалармен бірге жаңа оқу жылын асыға күтуде.