Бүгін, Мұғалімдер күніне арналған мектептердегі білім алушылардың өзін-өзі басқару "Дублёр күні" ұйымдастырылды. Мұғалімдер мерекесімен тұспа-тұс келген іс-шара толық ережеге сәйкес өтті. Алдын-ала арнайы бұйрық шығарылып, сабақ кестесі әзірленді. Сынып жетекшілері мен пән мұғалімдері бекітіліп, мұғалімдермен сабақ жоспарларын дайындады.. Оқушылар арасынан алынған дублёрлер сабақ кестесіне сәйкес сабақтарын өткізді. Оқушылармен жұмыс, сабақ беру, іс-шара ұйымдастыру сияқты мұғалімдер жұмысына көңілдері толған оқушылар өз сабақтарынына талдау жасап, үлкен әсер алды. "Дублёр күні" мұғалімдерге арнайы дайындалған оқушылар концертімен аяқталды. Оқушылардың әндері тыңдалып, өнерлері тамашаланды. Мектеп ұстаздары өз оқушыларына ризашылықтарын білдіріп, алғыстарын айтты.