Желтоқсан айының 30-ы күні Айыртау ауданы балалары үшін Қазақстан Республикасының Президент шыршасы болып өтті. Аталған мерекеге мектебіміздің оқушылары: Ералы Гүлбахор 6 сынып, Қожахметов Бекболат 7 сынып, Кенжебек Айдын 2 сынып қатысты. Аудан әкімі Ерболат Мұратұлы Бекшенов оқушыларды құттықтап, жаңа жылдық тілегін жолдады. Ән айтып, би билеп қуанышқа кенелген оқушылар Аяз атаның сыйлықтары мен тәттіге толы қоржындарын алып жақсы көңілмен үйлеріне тарасты.