Саумалкөл қазақ орта мектебінде 426 оқушы және 19 мектепалды сыныбының тәрбиеленушілері білім алуда. Қазіргі таңда мектепте 50 мұғалім және 3 қоса атқарушы жұмыс жасайды. Мектеп толық жабдықталған және балалардың сапалы білім алуына барлық жағдай жасалған. Қазақ тілі, химия, физика, биология кабинеттері заман талабына сай қажетті жабдықтармен қамтамасыз етілген. Оқушылар кең, жарық, заманауи жабдықталған сыныптарда білім алуда. Оқушыларымыз да әртүрлі республикалық, облыстық, аудандық жарыстарға жүйелі қатысып, жүлделі орындарды иеленіп жүр. Республикасының "БАСТАУ"математикалық олимпиадасының республикалық кезеңіне оқушымыз қатысып, ГРАМОТАМЕН марапатталды. «Алтын сақа» математикалық олимпиадасының облыстық кезеңінде 1 орын иеленді. Оқушыларымыз ғылыми жобалармен де жүйелі айналысып келеді, түрлі шығармашылық байқауларға, мәнерлеп оқу сайыстарына белсене қатысады. Абай, Мағжан, Шәкәрім Оқуларында да оқушыларымыз жеңіс тұғырынан көрініп жүр. Оқушыларымыз тек шығармашылық байқауларда ғана емес спортта да елеулі жеңістерге қол жеткізіп жүр. Еркін күрестен облыстық жарыста оқушымыз 1-орын алып, дипломмен марапатталды, "Еркін күрестен ҚР спорт шеберіне үміткер" разрядына ие болды. Шахмат ойынынан оқушыларымыз үлкен жетістіктерге жетті. Жас волейболшылар да жақсы нәтижелерге қол жеткізуде.
Оқушыларымыз бен ұстаздарымыз да түрлі сайыс, байқауларға белсене қатысады. Жоғары жетістіктерге қол жеткізіп жүрген ұстаздарымыз баршылық.

Әріптесіміз бастауыш сынып мұғалімі Ақзейнеп Нысанбайқызы білім саласын дамыту жолында қол жеткізген табыстары мен қосқан үлесі үшін Оқу ағарту министрі Ғани Бектайұлы Бейсембаевтың АЛҒЫСЫМЕН марапатталса, білім беру және тәрбие бағдарламаларын іске асырудағы елеулі табыстары үшін мектебіміздің директоры, Олжабаева Меңдігүл Олжабайқызы Қазақстан Республикасы оқу-ағарту министрлігінің "ОРТА БІЛІМ БЕРУ ҮЗДІГІ" Құрмет дипломымен марапатталды.

Ұстаздарымыз қазіргі заман талабына сай зерттеу жұмыстарын жүйелі жүргізіп, өз іс-тәжірибелерімен аудан, облыс көлемінде таратуда. "Сабақты зерттеу: қазақстандық мектептер тәжірибесі " атты ғылыми- тәжірибелік конференцияда ұстаздарымыз іс-тәжірибелерімен бөлісті. Астана қаласында "Рефлексивті тәжірибеден тұрақты көшбасшылыққа" тақырыбында өткен І Ұлттық конференцияға әріптесіміз қатысып келді. Астана қаласында тұңғыш рет Ұстаздар күніне орай өткен республикалық педагогтер съезіне мектебіміздің ағылшын тілі мұғалімі қатысып қайтты. Облыстық қазақ тілі мен әдебиеті пәні мұғалімдерінің "Руханият" қауымдастығының жоспарына сай мектебімізде облыстық семинар өтті. Ұстаздарымыз білім берумен қатар өнерге де, спортқа да белсене қатысады. "ҰСТАЗ-2023" спорттық сайысында әріптестеріміз топ жарып 1-орынды иеленді. Мектебімізде ұстаздар қауымынан құрылған "Саумалкөл толқындары" фольклорлық ансамблі бар. Мектеп ата-аналармен де тығыз байланыста жұмыс жасап келеді. Көп салалы спорт кешенінде "Отбасы күніне" арналған аудан әкімдігінің іскер әйелдер мен отбасы-демографиялық саясаты кеңесінің ұйымдастыруымен өткен спорттық іс-шараға ата-аналар белсене қатысты. "Мен сенің өміріңнің жалғасымын" тақырыбында өткен облыстық әкелер форумына қатысқан ата-анамыз облыс әкімінің бірінші орынбасары М.И Тасмағанбетовтың алғыс хатымен марапатталды. «Ауылға кітап» жобасы негізінде Данияр Жігітбектің бастамасымен @kitapal.kz дүкенінен мектебіміздің кітапханасына тегін 50 кітап сыйға тартылды.

Мектебіміз жоспарға сай жұмыс жасап келеді. Алдағы уақытта да мектеп ұжымының алға қойған мақсат, міндеттері айқын.