Мамандық таңдау-адам өміріндегі аса бір жауапты, маңызды кезеңдердің бірі. Дұрыс таңдалған мамандық өміріңе мән-мағына сыйлайды, өмірлік азығыңа айналады. Балаларға уақытылы ақыл-кеңес беріп, болашақ мамандығын таңдауда себепші болу-баршамыздың міндетіміз. Жыл сайын жоғары сынып оқушыларымен мамандық таңдауға байланысты кәсіби бағдар жұмыстары өткізіледі. Биыл да 9 сынып оқушылары аудандағы агротехникалық колледжге барып, олар даярлайтын мамандық түрлерімен танысты. Сондай-ақ аудандағы өрт сөндіру бөліміне барып, олардың жұмыстарымен танысып, өздерін қызықтыратын сұрақтарының жауаптарын алды.